Wednesday, April 13, 2016

എന്താണ് സാഹിത്യം?

എന്താണ് സാഹിത്യം?എന്തു കൊണ്ട് നമ്മൾ സാഹിത്യം ഇഷ്ടപെടുന്നു?

സാഹിത്യം: ഉണരൂ പ്രിയ പത്നീ ..പ്രഭാത കർമ്മ്മങ്ങൾക്കായി ദേഹം തുടി കൊട്ടുന്നു

തർജ്ജമ: എഴുന്നേൽക്കെടി പോത്തെ! പോയി ചായ ഇട്. മനുഷ്യന് ഇവിടെ അപ്പി ഇടാൻ മുട്ടീട്ടു വയ്യ!

--------------------------------

സാഹിത്യം: അങ്ങയുടെ പിതാവിന്റെ ശിരസ്സ്‌!
തർജ്ജമ: നിന്റെ തന്തേടെ തല!
--------------------------------

ഐ ❤ സാഹിത്യം ! 😀

courtesy: എവിടുന്നോ കിട്ടിയ പ്രചോദനം 

Wednesday, February 10, 2016

Carpe Diem!


For the longest time, i thought it was good to have plenty of money.  To be a millionaire, to live in mansions. It looked  awesome to set up a business network....etc etc.  I have started from the root level and worked hard through it (and even though i am not a millionaire ), i know the hard work, time, conflicts and the gigantic efforts behind it, i now know that it is not worth it. Trust me, the heavy bank balance is simply not worth the life you have wasted away. The story you tell your kids at bedtime will give you far more satisfaction than your sports car. The beautiful crockery you bought for your mother in law will make her smile more than your mansion. The blessings and prayers of  the less privileged you have helped will protect you through worst times than the smartest lot of your employees. .

None of the bigger houses have given me memories as sweet as the 450 sft. rented home we first moved in. No car can recreate the ecstasy we had on our first bike, bundled together and sped into the city.. my branded jewelry cannot give the pure joy of a tiny bud that blossomed in my pot yesterday. I can go on and on..

My concept of money has changed drastically over the years. I am now a minimalist. I do not want to own a fortune. Ever. I do not want properties in my name. I do not want to hoard money. Just enough for the family to be safe and sound and meet all their needs. I want my hands to be free when i go from here. Like they say, money is what money does. I want to make sure all the money is spent on right causes, for the people we love, in the right manner. "I do not want to be a millionaire.  I just want to live like one"

 I now know that rich people are not happy people.. they worry constantly.. keeping their money safe.. against million rules and regulations.. of doubling it.. of competitions.. of expansions. . Of losing it all!  The amount of time that goes into it..they'd wish they spend more time with their family, took time for their simple interests..they would wish they had not wasted a good chunk of their LIFE.  But by the time they wish so.. it would be too late. Too late!

So sing a song.. Dance.. Eat.. Read.. Live..Love.. make some more love and be merry!
Carpe diem! Seize the day! Make your lives EXTRA ORDINARY!
CIAO!

Friday, April 17, 2015

താലി മഹാത്മ്യം !

ഈ താലി സിസ്റ്റം ഒന്നും നമുക്കില്ലെങ്കിലും എനിക്കും കിട്ടി ഒരെണ്ണം .... നിക്കാഹ് കയിഞ്ഞ ഉടനെ മഹറിന്റെ രൂപത്തിൽ ഒരു ഭീകര രൂപിയായ താലി പറന്നെന്റെ കഴുത്തിൽ വന്നു വീണു .. അതിന്റെയൊരു വണ്ണവും വലിപ്പവും കണ്ടു എല്ലാരും വാ പൊളിച്ചു 'അള്ളാഹു അക്ബർ'!
ഓർക്കാപ്പുറത്തുള്ള ആക്രമണം അല്ലെ! വേച്ചു വീഴാതിരിക്കാൻ ഞാൻ അലങ്കരിച്ച സിംഹാസനത്തിൽ അള്ളിപ്പിടിച്ചു.

വീട്ടിൽ എത്തിയ ഉടനെ വേഷഭൂഷാദികളും ആടയാഭരണങ്ങളും ഊരി ശ്വാസം കഴിക്കാൻ അമ്മായിമാര് സഹായിക്കുന്നതിനിടയിൽ ഈ സാധനം ഞാൻ തഞ്ചത്തിൽ ഊരാൻ നോക്കി ..
അമ്മായിമാരുടെ കോറസ് മുഴങ്ങി : ''ലാ ഹൌലവാലാ കൂവത്ത ഇല്ലാ ബില്ലാഹീീ ...കെട്ടി ചൂടാറിയില്ല..അയിനു മുന്നേ ഊരി മാറ്റ്കേ ??'' പേടിച്ചരണ്ട ഞാൻ ആ കയറും വലിച്ചു നടപ്പായി ..

അമ്മായി ഇങ്ങനെ എങ്കിൽ ..അമ്മായിഅമ്മ പറയുന്ന പുകിലോർത്തു പുളകം കൊണ്ടു ..
അടുത്ത ദിവസം അമ്മായിഅമ്മയുടെ അശരീരി : " ഈ കട്ടി ചെയിൻ ഇട്ടോണ്ട് നടന്നാൽ കഴുത്തൊക്കെ കറുത്ത് കറുത്ത് വൃത്തികേടായി പോകില്ലേ ..വല്ല സിമ്പിൾ ആയി സ്റ്റൈൽ ഉള്ള നേരിയ ചെയിൻ വല്ലോം ഇട്ടാൽ പോരെ..''
''ഹെന്ത് '' ഞാൻ ആ കഴുത്തിലേക്കു സൂക്ഷിച്ച് നോക്കി.. ഇല്ലാ ...അവിടം ശൂന്യം !!
ആഹ്ലാദത്തോടെ ഞാനാ ചക്കക്കുരു ഊരിമാറ്റി .. 

മൂപ്പിലാൻ "അത് നീ വിറ്റ് ഇഷ്ടമുള്ളത് വാങ്ങിച്ചോ" എന്ന് പറഞ്ഞതും ഉടനെ തന്നെ ആ യൂസ് ലെസ്സ് കയർ വിറ്റ് കാശാക്കി ..

''ഇത്ര പെട്ടന്ന് താലി വിക്ക്യേ'' എന്ന് മൂക്കത്ത് വിരൽ വെച്ച അമ്മായി മാർക്ക് മുന്നിൽ ഇരുന്നു ഞാൻ ഉറക്കെ ഉറക്കെ ഉറക്കെ പൊട്ടിച്ചിരിച്ചു!


Sunday, April 12, 2015

കുടുംബ പുരാണം

പണ്ട് പണ്ട് കൊച്ചി രാജ്യത്ത് അതികായനായ ഒരു രാജാവുണ്ടായിരുന്നു .പേര് ശശി. പക്ഷെ മൂപ്പര്  സ്വയം വിളിച്ചിരുന്നത്‌ അസീസ്‌ ബിൻ ഖാലിദ് അൽ കാളിയാത്ത് എന്നാണ്ടൊക്കെ ആയിരുന്നു.
കൂടെ കഴുവുറ്റ, സുന്ദരിയായ മഹാറാണിയും അതീവസുന്ദരികളായ രണ്ടു രാജകുമാരികളും!

ആരും പേടിച്ചു പോകുന്ന സുന്ദരിയും , കലാ നിപുണയും, അഗാധപണ്ഡിതയും മേമ്പൊടിക്ക് ഇച്ചിരി നൊസ്സും ഉള്ള  മൂത്ത കുമാരിയെ വേൾക്കാൻ വില്ലാളി വീരന്മാർ പലരും വില്ല് കുലച്ചു നോക്കിയെങ്കിലും ശശി രാജാവ് തമ്മ്യ്ച്ചില്ല ! ഒടുവിൽ..! ഹോ ..എന്തരു പറയണ്! തിരുവിതാങ്കൂറിലെ ആസ്ഥാന മഹാരാജാവിന്റെ അപ്പിയെ തന്നെ ഇറക്കേണ്ടി വന്നു !! വോ ..തന്നെ തന്നെ !

സുശീല കോമാളി..സോറി , കോമളാങ്കിയും , കുറുംബിയും ..മഹാതല്ലിപ്പൊളിയുമായ ഇളയ പുത്രിയെ വേൾക്കാൻ ..ഓ എന്നാ പറയാനാന്നെ! കോട്ടയം കുഞ്ഞച്ചനെത്തന്നെ കിട്ടിയെന്നേ!! എന്നതാന്നേ ഒരു ഗ്ലാമര് !! പേര് തന്നെ അക്ബർ ഷാ ഷാ ഷാാ!! എന്നല്ലിയോ !!
അങ്ങനെ രാജാവും പരിവാരങ്ങളും കൂടി കപ്പയും മീനും കഴിച്ച് നാട് കാണാൻ ഇറങ്ങിയപ്പോ എടുത്ത അപൂർവ്വം പോട്ടം ആണ് ഇത് ! ഗൊള്ളാമോ ?

Thursday, March 5, 2015

കരിയില




ശാന്തമായൊരിടവഴിയിൽ പൊടിപടലത്താൽ മൂടപ്പെട്ടൊരു കരിയില ഞാൻ..
യുഗങ്ങളായി ഭൂവിൻ മടിയിൽ ശാന്തമായ് ഉറങ്ങും കരിയില ഞാൻ..

ധൂമപടലങ്ങളെ ചുംബിച്ചൊരു പാതിമയക്കത്തിനിടയിലൊരുനാൾ
പൊടിപടർത്തി ചീറിപ്പായുമാ ചക്രങ്ങൾ നൊടിയിലുണർത്തി വിട്ടെന്നെ..

ഭ്രാാന്തൻ കാറ്റിലുണർന്നു കലഹിക്കും ഭൂവിൽ ആനന്ദനൃത്തമാടി ഞാൻ
പായും ചക്രങ്ങൾക്കു തൻ പിന്നാലെ ഒട്ടു ദൂരം ഓടിയൊരു കരിയില ഞാൻ..

ചക്രവാളത്തിൽ കാണാമറയത്തായി പോയൊരു പൊട്ടിന്മേൽ
നഷ്ടാനുരാഗത്താൽ വീണ്ടും മണ്ണിൽ തകർന്നടിഞ്ഞെന്റെ ചിറകുകൾ..

ശാന്തമായൊരിടവഴിയിൽ പൊടിപടലത്താൽ മൂടപ്പെട്ടൊരു കരിയില ഞാൻ..


ഒരു ചരമക്കുറിപ്പ് !


ചില ചീഞ്ഞ സൌഹൃദങ്ങൾ അങ്ങനെയാണ് ..പോകുമ്പോൾ നമ്മുടെ വലിയ ഒരു ഭാഗം കൂടി കൂടെ കൊണ്ട് പോകും ..തിരിച്ചെടുക്കാനാവാത്ത  വിധം..ഒരിക്കലും തിരിച്ചെടുക്കാനാവാത്ത വിധം ! ഇവിടെ നീ കൊണ്ട് പോകുന്നത് എന്റെ ഹൃദയത്തിന്റെ അരയാണ്..
നീ എനിക്ക് എന്തായിരുന്നു എന്ന് എന്നെങ്കിലും നീ തിരിച്ചറിയുമോ ?..

എന്ത് കൊണ്ട് നിനക്ക് യഥാർത്ഥ പ്രണയങ്ങൾ ഇത് വരെ ഉണ്ടായില്ല എന്ന് ഞാൻ ഇപ്പോൾ  മനസ്സിലാക്കുന്നു ..ആഴത്തിൽ അറിഞ്ഞു പ്രണയത്തിൽ അലിയാനും അതിനുതകുന്ന ഹൃദയം വേണം..എല്ലാവര്ക്കും കിട്ടാത്ത അനുഗ്രഹം! ദുഷ്ക്കരമെങ്കിലും ഞാൻ ആഗ്രഹിക്കുന്നു ..ഒരിക്കലെങ്കിലും നിനക്കും സംഭവിക്കണം ..ആരോടെങ്കിലും തീവ്രമായ പ്രണയത്തിൽ  പെട്ട് പോകണം ..അതിന്റെ വിങ്ങൽ നിന്റെ ഹൃദയത്തെ കാർന്നു തിന്നുമ്പോൾ നീ അറിയുമല്ലോ ..ഞാൻ എന്തിനീ ഭ്രാന്തു കാണിചിരുന്നുവെന്നും നീ എനിക്ക് എന്തായിരുന്നുവെന്നും ..!

നിനക്കെന്നോട്  പ്രണയമാണെന്ന് ഇനി വിശ്വസിക്കാൻ വയ്യ . ആയിരുന്നുവെങ്കിൽ  ..എന്നെ പോലെ ശ്വാസം മുട്ടി പിടഞ്ഞേനെ..എന്തെന്നാൽ യഥാർത്ഥ പ്രണയം അങ്ങിനെയാണ് ..! ഒരു വാക്ക് കേൾക്കാതെയോ ഒരു നോക്ക് കാണാതെയോ അത് ഇരിക്കപൊറുതി തരില്ല ! ശെരിയായ പ്രേമം മനസ്സിൽ വിങ്ങലുണ്ടാക്കുന്നതാണ് ..!! 'മനസ്സിൽ ഉണ്ടല്ലോ' ,  'എപ്പോഴെങ്കിലും  മിണ്ടിയാൽ മതിയല്ലോ'  എന്നാ തോന്നൽ, അറിയുക, അത് പ്രണയമല്ല എന്ന്!

പിന്നെ സൗഹ്രദം ..നോക്കു, നിന്റെ സൗഹ്രദം ഏറ്റവും ആവശ്യമായ അവസരങ്ങളിൽ നീ ഉണ്ടായിരുനില്ല്ല ..നിന്റെ സാന്നിധ്യം ആഗ്രഹിച്ചപ്പോൾ അവിടെ ഉണ്ടാവാൻ നീ ശ്രമം നടത്തിയില്ല എന്നത് എനിക്ക് വേദനിച്ചു . .കേള്ക്കാൻ ഒരു ചെവി ഉണ്ടാവുക എന്നാണു സൌഹ്രദത്തിന്റെ ധർമം! അത്രെയുമെ പ്രതീക്ഷിചിരുന്നുള്ളു .. വാക്കുകൾ കൊണ്ട് ഒരു തലോടൽ ..ഒരു സ്വാന്തനം ..അത്യാഗ്രഹമായി പോയി  പ്രതീക്ഷകൾ അല്ലെ ? അതെ എന്ന് അനുഭവം..കാരണം നീ  മുന്ഗണന നല്കിയത് നമ്മുടെ സൌഹ്രദത്തിനായിരുന്നില്ല !

ഒരേ സമയംതന്നെ നീ എത്ര ഭാഗ്യവാനും നിര്ഭാഗ്യവാനും ആണെന് അറിയാമോ?
നിന്നെ ജീവനോളം കരുതിയ ഒരു സ്നേഹമുണ്ടായിരുന്നു ..നീ ഒരു പെണ്ണിന്റെ തീവ്രവും അനശ്വരവുമായ പ്രണയത്തിനു പാത്രമായിരുന്നു എന്നത് നിന്നെ ഭൂമിയിലെ ഭാഗ്യവാന്മാരിൽ പെടുത്തുന്നു! വെറും നൈമിഷിക സുഖത്തിനു അടിയറവു  വെക്കാതെ , കറയില്ലാത്ത , നിര്മ്മലമായ  സ്നേഹം ഒരുത്തി നിനക്കായി മാത്രം കരുതി വെച്ചിരുന്നു ..
എന്നാൽ നീ അതെ സമയം നിര്ഭാഗ്യവാനും! അതിന്റെ മതിപ്പ് നീ തിരിച്ചറിഞ്ഞില്ലലോ ..അത് നിനക്ക് നേരെ വെച്ച് നീട്ടാൻ അവൾ ഇനി ഉണ്ടാവില്ല ! അത് ജ്വലിക്കുന്നത് നീയൊട്ടു അറിയാനും പോകുന്നില്ല്ല !

വൃത്തികെട്ട കാമത്തിന് അടിയറവു  വെച്ച് നശിപ്പികില്ല എന്റെ സ്നേഹവും സൗഹ്രുതവും എന്ന് തീരുമാനിച്ചിരുന്നു ..അത്രമേൽ വിലപ്പെട്ടതായി കരുതി ഈ സ്നേഹം ! നിര്മ്മലമായ സ്നെഹതിനപ്പുരത്തെക്കു നമ്മൾ തരം താഴരുത് എന്ന് നിര്ബന്ധം ഉണ്ടായിരുന്നു ..  ..ചെയ്‌താൽ തീരുന്നതാണ് കാമം ..ചെയ്താലും പിന്നെയും കൂടി വരുന്നത് ഒടുങ്ങാത്ത പ്രണയം! 

സ്നേഹിക്കപെടാത്തത് മാത്രമല്ല കൊടുക്കുന്ന അളവിൽ തിരികെ കിട്ടാത്തതും വേദന തന്നെ!
ഇനി വയ്യ !
എന്റേതായിരുന്നില്ല ഒരിക്കലുമെന്ന തിരിച്ചറിവിനാൽ..
ഈ സ്നേഹത്തെ ഇന്നിതാ പറത്തി വിടുന്നു... ചിറകുകൾക്കു വലിപ്പം വെച്ചു പറന്നകന്നുകൊൾക!
തിരിഞ്ഞു നോക്കരുത്‌...

അനന്തതയുടെ വിഹായസ്സിൽ
ഒരു കുഞ്ഞു തൂവൽ..
നോക്കൂ...
അതെന്റെ സ്വപ്നങ്ങളായിരുന്നു!
പ്രിയനേ നിനക്ക് വിട !

Monday, December 8, 2014

കുന്നിമണി..


ഒരു കുന്നിമണിയോളം സ്നേഹം തരാമോ..
ഒരു കടലോളം വിശ്വാസം തരാം!
ഒരു കുന്നിമണിയോളം വിശ്വാസം തരാമോ..
ഒരു കടലോളം സ്നേഹം തരാം !

Popular Posts

Labels